Өндірісі аяқсыз қалған SAAB

SAAB брендінің иесі NEVS консорциумы қазір жабық. Бірақ жақында мамандар компанияны сақтап қалады деген үмітпен Emily GT электрокарын әзірлеу жұмыстарын соңына дейін жүргізген деген ақпарат тарады. Өндіріс сериялы топтамаға дейін жетпеді, бірақ дизайнерлердің бірі электромобильдің суретін көпшілікке паш етті.

NEVS Emily GT-дің сырт пішіні қазір Қытайда белең алған дизайнерлік трендтерді еске салады. Оны шанағы мен оптикасынан байқайсыз. Бұл таңғаларық жағдай емес, өйткені NEVS-тің негізгі акционері оны 2019 жылы сатып алған қытайлық Evergrande корпорациясы болды.

Emily GT нарыққа седан түрінде ғана емес, шанағының артқы бөлігі толық өзгерген екі есікті кабриолет (Emily GTO) түрінде шығады деп болжанған. Дегенмен кабриолет суретінен бас тірегіштер мен үлкен ортаңғы экран секілді интерьер бөліктері көрінеді.

Өндіруші автокөліктің базалық нұсқасын 480 ат күшіне ие төрт қозғалтқышпен, ал спорттық түрін 650 арғымақ күшін беретін мотормен жабдықтауды жоспарлаған. 175 киловаттық батарея 1000 шақырымды еңсеруге мүмкіндік береді.

Қаржы тапшылығына байланысты жоба іске аспады. Evergrande корпорациясы NEVS өз жұмысын тоқтатты, ал қызметкерлердің 95 %-і жұмыстан шықты деп хабарлады. 2021 жылы консорциум Xiaomi-ге өтеді деген сыбыс шыққан, бірақ ол да іске аспады. Сәуірде Polestar Швециядағы SAAB зауытынан дәмелі болғанмен, оны иеленуге нақты қадам жасамаған. SAAB активтерінің болашағы бұлыңғыр, марка автомобиль нарығына қайтып келмейді деген болжам бар. Бренд SAAB AB аэроғарыш компаниясына тиесілі, ал ол әзірше көлік өндірісімен айналыспайды.