Ішкі істер министрі Марат Ахметжанов оң рөлді көлікке қатысты мәселе талқыланып жатқанын айтты. Заң бойынша Қазақстанда мұндай машинаны 2007 жылдан бері алғашқы тіркеуге қоюға болмайды. Бірақ президент тапсырмасын орындау мақсатында басқа шешім қабылдануы мүмкін. Министрдің айтуынша қазір елімізде 19 мың оң рөлді көлік тіркелген.
Министр сақтандырушылар берген мәлімет бойынша қазір Қазақстанда 300 мыңнан аса шетелдік нөмір таққан машина жүргенін атап өтті. Ресейден — 259 927, Қырғызстаннан — 25 546, Армениядан — 17 911, Беларусьтен — 416, ал ЕЭО құрамына кірмейтін елдерден 3 700 көлік келген.
Оларды 200–250 мың теңге төлеп заңдастыруға болады. Нақты шарттары мен мерзімі заңнамаға, оның ішінде Салық және Экологиялық кодекске өзгеріс енгеннен кейін анықталады.
М. Ахметжановтың айтуынша заңдастыру тәртібі барынша жеңілдейді. Смартфон арқылы өтініш беруге болады. Базадағы деректер бойынша тексерістен сәтті өткен көлік иесін ХҚКО-ға шақырады. Ал нөмірі өзгерген, қылмыстық іздеуде жүрген, кедендік ресімдеуден өтпеген және 2022 жылғы 1 қыркүйектен кейін келген автомобильді заңдастырмайды.
Комментариев: 0