Ресейдің Өнеркәсіп және сауда министрі Денис Мантуров РИА «Новости» басылымына 1988 жылы шыққан «Ока» брендін қайта жаңғырту идеясын қолдайтынын айтты. Бірақ автоөндірушілерден бұл жөнінде тікелей ұсыныс әлі түспепті.
Министрлік егер бір өндіруші концепцияны жүзеге асыруға ниет білдіріп, «Оканы» нарыққа шығаруды ұсынса, бірден қолдау көрсететінін хабарлады.
Министр бұған дейін «Москвич» жаңғырғанын айтты. Одан кейін «Волга» қайта жанданады. Ескі бренд көліктері 2024 жылы жазда жарық көреді. Олар бұрын Volkswagen және Škoda шыққан Нижний Новгородтағы ГАЗ зауытында жасалады.
2022 жылы Денис Мантуров «Победа» маркасы да қайта шығуы мүмкін екенін хабарлаған.
Үш есікті «Ока» Ресейде 1988–2008 жылдары шықты, ол елдегі ең қолжетімді автомобиль болған. Бағасы төмен болғандықтан хетчбэкке сұраныс жоғары болды, бірақ қауіпсіздік деңгейі нашар, сенімсіз әрі жүріп-тұруға жайсыз болғаны үшін жиі сынға ұшырайтын.
Нарық сарапшылары мен саясаткерлер қазіргі жағдайда Ресейге мұндай арзан автокөлік қажет екенін айтады. Ал министр мұндай машина бұрыннан бар деп санайды, ол 700 мың рубль (3.7 млн теңге) тұратын Lada Granta-ны айтып отыр. Мантуров бұдан арзан көлік шығару мүмкін емес екенін айтты.
Комментариев: 0