2023 жыл ресми автонарық үшін ел тарихындағы ең өнімді жыл болды: қаңтардан қарашаға дейін дилерлер 175 255 жеңіл автомобиль мен коммерциялық техника және жүк көлігі мен автобус сатты, бұл былтырғы көрсеткіштен 59 % жоғары.
Қазақстан автомобиль одағы қарашада 17 538 жеңіл автомобиль мен коммерциялық техника және 1429 жүк көлігі мен автобус өткенін хабарлады. Бұл 2022 жылғы қарашамен салыстырғанда 54.1 % жоғары көрсеткіш.
Көш басында Chevrolet (4243 дана) мен Hyundai (3605) тұр. Ал Kia дилерлері 2000-нан аса автомобиль саудалады. Үздік бестікке Toyota (1252) мен Chery (1218) енді.
2023 жылғы қараша қорытындысы бойынша жаңа автомобильдер нарығындағы үздік 10 марка
| Орын | Марка | 2023 жылғы қарашадағы сауда. |
| 1 | Chevrolet | 4243 |
| 2 | Hyundai | 3605 |
| 3 | Kia | 2101 |
| 4 | Toyota | 1252 |
| 5 | Chery | 1218 |
| 6 | JAC | 858 |
| 7 | Haval | 766 |
| 8 | Jetour | 620 |
| 9 | Changan | 483 |
| 10 | Geely | 452 |
Қарашада бестселлер тізімінде үлкен өзгеріс болған жоқ. «Кобальт» бірінші орында тұр, 2911 седан өтті. Екінші орынға Hyundai Tucson (1068 дана) жайғасқан. Үздік үштікке Қазақстан нарығына шықанына көп болмаған Chevrolet Onix седаны енді, оның 800 данасы иесін тапты.
Жыл аяқталуға жақын, көптеген бренд жаңа жылдық жеңілдік жасап жатыр. Бұл желтоқсандағы автонарыққа оң әсер етері анық. Демек биыл сатылған жаңа автомобиль саны 200 мыңға жетуі мүмкін. Екінші мәселе, жыл қорытындысында қай марка үздік шығады —Hyundai ме әлде Chevrolet ме? Корей бренді қазірге дейін 42 038 машина саудалады, ал америкалық марканың (Азиядағы нұсқасы ) 40 011 көлігі өтті.
2023 жылғы он бір ай қорытындысы бойынша жаңа автомобильдер нарығындағы үздік 10 марка
| Орын | Марка | 2023 жылғы он бір айдағы сауда |
| 1 | Hyundai | 42 038 |
| 2 | Chevrolet | 40 011 |
| 3 | Kia | 23 070 |
| 4 | Chery | 10 838 |
| 5 | Toyota | 9310 |
| 6 | Haval | 6796 |
| 7 | JAC | 6181 |
| 8 | Changan | 5503 |
| 9 | Exeed | 3692 |
| 10 | Lexus | 3320 |
2023 жылы ресми автонарық қана емес, ескі көліктер нарығы да жақсы нәтиже көрсетті. Ұлттық статистика бюросы хабарлағандай, 10 айда 1.5 миллион жаңа және ескі автомобиль тіркелді. Бұл 2022 жылғы көрсеткіштен 1.6 есе көп. Тіркелген көліктердің басым көбі (60 %) шыққанына 10 жылдан асқан ескі машиналар.
Комментариев: 0