Елорда көшелерінде фото және видео жазбаларды тіркейтін 1 798 құрылғы орнатылған. Астаналық Полиция департаментінің баспасөз қызметі хабарлағандай, бұл кешендер жылдамдық режимін бұзу, қоғамдық көлікке арналған жолаққа (Bus Lane) өтіп кету, тоқтау сызығынан асып кету, бағдаршамның қызыл түсіне өту және тағы басқа ереже бұзушылықтарды «көреді» екен. 2019 жылдың басынан бері жол ережесі еленбеген 168 мың дерек тіркеліпті.
Полицейлер ҚР ӘҚБК-нің 810, 811-баптарына сәйкес, ел азаматтарының жеті тәулік ішінде айыппұлдың тек 50 пайызын төлеуге мүмкіндігі барын еске салады. Мұны egov.kz электронды үкімет порталы, qamqor.gov.kz (ереже бұзған сәттің фотосуретін көру мүмкіндігі бар), екінші деңгейлі банк кассалары және мобильді қосымшалар арқылы жүзеге асыруға болады. Осы орайда айыппұл төленді деген белгінің деректер базасына бірден түсетінін және ішкі істер органдарына түбіртек апарудың қажеті жоқ екенін айта кеткен жөн.
Ал біз өз кезегімізде Kolesa.kz қосымшасындағы айыппұлды тексеру жөне төлеу қызметін ұсынамыз.
Комментариев: 0