Нұр-Сұлтанда өңтаңбалы бағдаршам орнатылды

Елорда әкімдігінің баспасөз қызметі хабарлағандай, смайлик бейнеленген бағдаршам мына жерлерге қойылды:

• Республика даңғылы — «Есіл» сауда үйі;
• Республика даңғылы — «Талисман» сауда үйі;
• Момышұлы көшесі — «Виктория» тұрғын үй кешені;
• Түркістан көшесі — «Нұржол» бульвары;
• Ақмешіт көшесі — «Нұржол» бульвары;
• Жұмабаев көшесі — «Жерұйық» саябағы;
• Қабанбай батыр даңғылы — «Салтанат Сарайы»;
• Нұржол көшесі — «Нұржол» бульвары.

Шенділер мұндай бағдаршам қозғалысты реттеп қана қоймай, жұрттың көңілін көтеретінін айтады. Болашақта кешендерге дыбыстық құрылғы қосу жоспарланып отыр.

Сонымен қатар Шұбар тұрғын үй алабы Космонавтар көшесіндегі «Қоңырат» сауда орталығы маңында көлік жылдамдығын шектеу үшін көтеріңкі жаяу жүргіншілер өткелі (пандус) салынды.

Айта кетейік, алдағы уақытта елордада сынақ ретінде автобус жолағын жасыл түске бояу жоспарланып отыр.