Ресей-Украина қақтығысынан кейінгі санкцияға байланысты шина өндіретін финляндиялық Nokian компаниясы Ресейден кетіп, ірі зауытын сатты. Кейін өндіріс орны «Татнефть» меншігіне өткен, енді онда қандай маркалы шина шығатыны белгілі болды.
Бұрын Nokian шығарған зауыт енді Ikon шинасын өндіреді. Бірақ бұл Nokian өнімдерінің аты ғана өзгереді деген сөз емес. Қос тарап қол қойған келісімшартта мұндай тәсілге тыйым салынған, бірақ бұл талап Nordman шинасына қатысты емес. Олар бұрынғыдай жасала береді. Ал жаңа Ikon өнімінде резеңке қоспаның құрамы ғана емес, протектор сызбасы да өзгереді, сондай-ақ қысқы модельдерде фирмалық қосарлы бұдыр болмайды.
Өндірушілер Ikon шинасын бөлшек сауда нарығына ғана емес, автомобиль зауыттарына да жеткізеді. Мысалы, жаңа «москвичті» Ikon резеңкесімен жабдықтауы мүмкін.
Бұрын Ресейде шыққан Nokian шинасын сатып алған тұрғындар үшін жақсы жаңалық бар, «Татнефть» кепілдік туралы шартта көрсетілген барлық міндетті мойнына алады.
Комментариев: 0