Классикалық Lada 4×4-тің Ұлыбританиядағы сатылымы әр кезеңде әртүрлі болды. Корольдік Еуроодаққа кіргеннен кейін, қатаң экологиялық стандарттарға байланысты қиындыққа ұшырады. Ал Лондон ЕО-дан шыққан соң Euro 6d стандартына сәйкес келу міндетті емес болды. Сөйтіп Нива арал тұрғындарына қайта жол тартты.
Бірақ бұрынғымен салыстырғанда бағасында айтарылықтай айырмашылық бар. 2010 жылы толық жетекті үш есікті көлік құны шамамен 10 мың фунт стерлинг болса, қазір 15 мыңға жеткен (8,72 миллион теңге). Бұл біздегіден екі есе қымбат. Ағылшындарға механикамен жұмыс істейтін 1.7 литрлік қозғалтқышы бар Lada Niva Legend ұсынылып отыр.
Британиялық дилер сайтында «классиканың» өндірісі 2023 жылдың соңында тоқтатылады деп көрсетілген. Әрі сатып алғысы келетін азаматтарға таңдау жасауға асығуды ескертіпті. Алайда Ұлыбританияда бұл көлік көп сатылады деп үміттенбеген жөн. Өйткені 2016 жылы аталған елде Lada 4×4-тің алты данасы ғана сатылған.
Комментариев: 0