Солтүстік Осетияда Евгений Чеботарёв есімді кәсіби каскадёр құрылысы аяқсыз қалған екі үй арасынан «Нивамен» секіруге бел буған. Мұны ол Сергей Бодровқа арнамақ болыпты. 2022 жылы қыркүйекте жақын маңдағы Кармадон шатқалында көшкін жүріп, кино түсіруге қатысып жатқан актер мен жүзден астам адамның өмірін қиған еді.
Соңғы сәтте машинаның дөңгелегі трамплиннен тайып кетті ме, әлде жылдамдық жетпеді ме, ойы іске аспады. Бір ғимараттың төбесінен құлаған «Нива» көрші үйдің шатырына соғылды да, артынша жерге топ ете түсті.
Краш-тест кезінде автомобильдің биіктен қалай құлайтынын ешкім тексермейді, сондықтан мүмкіндігін бағамдау қиын. Абырой болғанда, Евгений аман. Қираған көліктен секіріп түскеніне қарағанда, денсаулығы да жаман емес сияқты.
Комментариев: 0