Nissan GT-R-дің қазіргі буыны 2007 жылы шыққан. Суперкар тарих қойнауына кететін сияқты. Жапониялық Mag-X басылымы 2025 жыл GT-R үшін соңғы болады деп хабарлады. Компания бұл туралы наурызда ресми мәлімдеме жасайды.
Инсайдерлердің айтуынша суперкардың шектеулі партиясы шығады. Бренд тек 1500 көлік құрастырады, оның 300-і қуатты Nismo болады. Компания автомобильді тек ішкі нарықта сата ма, әлде басқа елдерге де жібере ме, белгісіз.
Дереккөздер өндірістің тоқтауына Nissan-ның жақын арада суперкар компоненттеріне арналған бірқатар бөлшекті шығара алмауы себеп болады деп отыр. Алайда нақты не екені айтылмаған.
2022 жылы Nissan Жапонияда GT-R-ге тапсырыс қабылдауды тоқтатты, сол себепті модельдің жақын арада буыны ауысады деген сыбыс тарады. Бренд шығарынды мен шу деңгейіне қатысты шектеулерді алға тартып, суперкарды кейбір нарықтан алып тастады. Жыл аяғына қарай өндіріс қайта жалғасты, ал былтыр GT-R тағы сәл жаңарды.
Былтыр күзде компания бірқатар футуристік концептіні, оның ішінде 1360 ат күшін беретін күштік құрылымы бар электрлі Hyper Force суперкарын көрсетті. Дизайны GT-R R35-тің сырт келбетіне ұқсайтыны анық көрінеді. Адамдар концепт танымал модельдің болашағына тұспал жасап тұр деп пайымдады. Атауы өзгере ме, әзірге белгісіз.
Комментариев: 0