27 қазан күні Бельгиядағы Лёвен қаласында келеңсіз жағдай болды. Кеме жүзетін канал арқылы өтетін ашылмалы көпір көтерілген сәтте онда белгісіз себеппен қызыл түсті шағын вэн қалып қойған. Көлік ішінде бір жасар баласы бар отбасы болыпты. Жүргізуші тежеуішті босатып, еңіске қарай ақырын жылжудың орнына қозғалмай, бір орында тұрып қалған.
Мұның арты жақсылықпен аяқталмайтыны анық еді. Тартылыс күші әсерінен Nissan Note көпірден құлап, төңкеріліп қалды. Ондағы адамдарды оқиға орнына жедел жеткен құтқарушылар алып шықты, абырой болғанда ешкім ауыр жарақат алмаған.
Бұл мысалдың ғибраты мынада: өте қауіпті әрі күрт өзгеретін жағдай туындағанда оны дұрыс бағалап, шұғыл әрекет ету қажет. Өйткені жоғалған әр секунд өміріңіздің соңғы сәтіне айналуы мүмкін.
Комментариев: 0