Бұған дейін сатылым мөлшері күрт төмендегендіктен, Avalon седанының өндірісі 2022 жылы тоқтатылатыны хабарланған. Осыған орай оның Nightshade Edition арнайы нұсқасы жарық көреді, ол компанияның Кентуккидегі зауытында әдеттегі модельмен бірге шығарылады.
Nightshade Edition жиынтығында барлық «авалонға» ортақ мотор мен беріліс қорабы (8 диапазонды автоматпен жұптасатын 300 ат күшіне ие 3.5 литрлік V6) және машинаның өзге де механикалық бөліктері өзгеріссіз қалады. Тек көптеген қара бөлшектер және декор элементтерімен ерекшеленеді. 19 дюймдік дөңгелек дискісі, радиатор торы, есік тұтқасы және фирмалық тақтайшасы да қара түсте жасалады. Жаңа Avalon-ның салоны да күңгірт материалмен қапталған. Шанақ түсі — Midnight Black Metallic, Wind Chill Pearl немесе Celestial Silver Metallic.
Limited, Limited Hybrid және Touring қатарлы өзге де үздік түрленімдер секілді Nightshade Edition да электрлі люкпен ұсынылады. 8 динамигі бар зауыттық аудиожүйе орнатылған, қосымша ақы төлеп, 14 динамигі бар JBL аудиожүйесін қоюға болады. Toyota Safety System 2.5+ қауіпсіздік жүйесінің фирмалық кешенінде алысқа түсетін жарықты автоматты басқару, бейімді круиз-бақылау, жолақта ұстау, жол белгілерін анықтау жүйесі және т.б. бар.
Toyota Avalon Nightshade Edition АҚШ-та 41 724 доллар тұрады, ал Touring нұсқасының құны — 44 100 доллар. Салыстыру үшін айтсақ: ең арзан Avalon XLE 37 400 долларға сатылады.
Қазақстанда «Авалоннан» өлшемі, мотор гаммасы және жабдықталуы бойынша төмен тұратын Camry седаны дәл осындай бағада сатылады.
Kolesa.kz мобильді қосымшасын орнатып, «Салондағы жаңа көліктер» бөлімінен Қазақстанда сатылып жатқан модельдердің бағасын біліңіз.
Комментариев: 0