Мұхиттың арғы жағында соңғы кездері бөтеннің мүлкіне көз тігіп, арам ақшаны азық ететіндер көбейген. Әсіресе Калифорнияда жағдай ушығып тұр. Жергілікті полицейлер берген мәлімет бойынша 2021 жылы көлік ұрлығы 32 %-ға, салондағы заттарды қолды ету 27 %-ға өсіпті, әрі қылмыс қарқыны үдемесе, төмендейтін түрі жоқ.
Өткен аптада желіде жүксалғыш есігі ашық тұрған екі кроссовердің суреті жарияланды. Бұл әрекетімен көлік иелері ұрыларға онда құнды дүние жоғын және әйнек сындырып, құлпын бұзудан пайда таппайтынын ескерткісі келген. Алайда билік қылмыскерлер басқа құрылғыларға көз тігуі мүмкін екенін айтып, мұның дұрыс шешім еместігін түсіндірді. Оның үстіне машинаны ашық қалдыру оны ұрлауды жеңілдетеді.
Комментариев: 0