Автосалондарда елімізде құрастырылған Lada қайта пайда болады. 26 наурызда АВТОВАЗ бен Қостанайдағы зауыт арасында серіктестік басталды. Алдымен Lada Niva Travel моделін құрастыру қолға алынды (Chevrolet Niva жол талғамайтын көлігінің жаңарған түрі).
Көп өтпей зауытта Lada-ның басқа модельдері де шығарыла бастайды.
«АВТОВАЗ» АҚ президенті Ив Каракатзанис премьер-министр Асқар Маминмен ынтымақтастықты одан әрі дамытуды талқылады. Атап айтқанда, дәнекерлеу және шанақ бояуды қамтитын CKD-өндірісін ұйымдастыру және елдегі LADA дилерлік желісін түрлендіру туралы сөз болды.
Бұрын Lada тек «Бипэк Авто» дүкендерінде сатылатын. Енді бірнеше жеке дилер ресейлік брендтің машиналарын сатуға дайындалып жатыр.
Комментариев: 0