Биылғы жыл елдің отын нарығындағы бағаның төмендеуінен басталды, алайда қыс бітісімен жанар-жағармай құнының арзандауы да тоқтады. Наурызда еш жерде баға өзгерісі байқалмай, отын да өз құнын сақтап қалды. Дегенмен ерекшеленгендер де жоқ емес.
АИ-92 маркалы бензиннің бағасы Helios, «ҚазМұнайГаз», Sinooil және «Газпром» бекеттерінде 149 межесінен ауыспады. Бірақ соңғысы ақпанмен салыстырғанда отын құнын 1 теңгеге арзандатыпты. Ал Royal Petrol бекетінде сіз аталған бензиннің бір литрін 145 теңгеге ала аласыз.
Қазақстандағы ең өтімді жанармай маркаларының орташа бағасының 2013 жылдан 2019 жылға дейінгі өзгеру қарқыны
Дизельге қатысты да дәл осы жағдай қайталанды. Баға ауыстырған тек «Газпром» ғана. Ақпан айында көгілдір отынның бір литрі 192 теңгеге бағаланса, қазір ол үшін 195 теңге сұрап отыр. Өзге сатушылар бағаны бұрынғы деңгейде сақтауды жөн көрген сыңайлы. Аталған отын түрі Helios, «ҚазМұнайГаз» және Sinooil бекеттерінде 191 теңгеден сатылса, Royal Petrol бекетінде 188 теңгеден саудалануда.
Осы орайда 1 сәуірден бастап ҚМГ жанармай бекеттерінің желісі «ҚазМұнайГаз» ҰК АҚ-ның меншігінде еместігін айта кеткен жөн. Енді ол Petro-retail ЖШС-нің иелігінде. Келісімнің құны 60.5 млрд теңгені құраған. Бұл өзгерістердің баға саясатына қалай әсер ететіні әзірше беймәлім.
АИ-92 бензині мен дизельді отынның наурыздағы бағасы
Комментариев: 0