Көктемгі мейрамда қазақстандықтар наурыздың 20-сы мен 24-і аралығында демалады. 20 наурыз, яғни сенбі күні Ақмола, Қостанай облыстары мен Шымкенттегі мамандандырылған орталықтар қызмет көрсетпейді. Kolesa.kz тілшісіне «Азаматтарға арналған үкімет» өкілдері түсіндіргендей, аталған өңірлердегі мекеме жұмысына бас санитар дәрігерлердің қаулысы бойынша шектеу қойылды.
Жұмыс уақыты да жергілікті өңірде күшіне енген шектеулерге байланысты. Мысалы, Алматы мен Нұр-Сұлтанда жүргізушілерге қызмет көрсететін орталықтар 9:00-ден 16:30-ға дейін өтінім қабылдайды, одан кейін тек дайын құжаттарды тапсырады.
ХҚКО жексенбіден 24 наурызға дейін жабық болады, ал 25 наурызда қайта жұмыс істейді.
Еске сала кетейік, қазір көлікті Kaspi.kz қосымшасы арқылы сатуға және сатып алуға болады. Бұл жағдайда мамандандырылған мекемеге мемлекеттік нөмір мен құжат алу үшін ғана барасыз.
Комментариев: 0