Әлеуметтік желіде Абай даңғылының рұқсат етілмеген жерінен баласымен бірге өтіп бара жатқан әйел түсірілген видео тарады. Адамның зәресін ұшыратын кадрлардан сәбидің анасымен бірге жолдың рұқсат етілмеген бөлігінен өтіп бара жатқанын байқауға болады. Бір кезде бала анасының қолынан шығып кетеді де, тура автобусқа қарай жүгіреді.
Полиция хабарлағандай, бұл оқиға 16 сәуірде болған екен. Бала тек жүргізушінің қырағылығының арқасында аман қалған, бірақ қоғамдық көлік кенет тежелген кезде оның ішіндегі жолаушылар зардап шегіп, төрт адам жеңіл жарақат алды.
Жолдың рұқсат етілмеген жерінен өту біздің кейбір азаматтар үшін еш айыбы жоқ іс сияқты көрінеді. Ересек адамның арық пен қоршауларға да қарамай, көрінген жерден өте беретінін көрген баланың санасында бұл дұрыс әрекет екен деген ой қалып қоюы мүмкін. Балалардың көз алдында бөтен адамдардың ереже бұзғаны былай тұрсын, кейбір ата-ана да дәл солай істеп, ұрпағына теріс тәрбие береді.
Комментариев: 0