Мыңдаған көлік тиеген автотасығыш төңкерілді

АҚШ-та 4 мың су жаңа Hyundai мен Kia тиеген кеме аударылды.

Ақпараттық агенттіктер берген мәліметке сүйенсек, жексенбі күні таңғы уақытта 71 мың тонналық Golden Ray автотасығышында өрт шығып, жүк тиелген трюмаларды от шарпыған. Түске таман орнықтылығын жоғалтқан кеме Джорджия штатына қарасты Брансуик жағалауындағы Сент-Саймонс-Саунд бұғазында бір жағына жантайып қалған.

Hyundai Glovis логистикалық компаниясына тиесілі авто тасымалдайтын кеме алты мың көлікті алып жүруге қауқарлы, апат болған сәтте оның үштен екі бөлігі толы болатын — жүк тиелген палубаларда төрт мыңнан аса Hyundai және Kia жеңіл көліктері болды. Олардың барлығы Таяу Шығысқа жеткізілуі тиіс еді, алайда енді олардың діттеген жерге жете алмасы анық.

АҚШ-тың Жағалау күзетінің тікұшақтары мен катерлерінің көмегімен жиырма теңізші құтқарылды. Экипаждың қалған төрт мүшесін алып шығу үшін кеменің корпусын тесуге тура келген.

Комментариев: 0

Чтобы оставить комментарий, вам необходимо зарегистрироваться или авторизоваться.