Өздеріңіз білетіндей, «москвич» машиналары шыққан Ленин комсомолы автомобиль зауыты (АЗЛК) әлдеқашан жабылған. Бұрынғы зауыт аумағында қазір Renault көліктері құрастырылады. Сондай-ақ «Мәскеу» технополисі жұмыс істейді. Онда Ferrari, Lamborghini және Mercedes-Benz автомобильдеріне арналған бөлшектер өндіріледі. Бұл туралы Мәскеу мэрінің ресми сайты хабарлады.
Мұнда суперкар тюнингінде қолданылатын карбон элементтер өндіріледі. Заманауи технология қолданудың арқасында өнім сапасы жетекші автоконцерндердің инженерлік шешімінен кем түспейді. «Жоба нәтижесінде жаңа машиналар ресейлік өніммен жабдықталды. Яғни өндірісті оқшаулап, импорттан бас тартуға мүмкіндік туады. Тұтынушыларға бұл компоненттерді шетелдік зауыттардан тапсырыс берудің қажеті жоқ», — делінген хабарламада.
Комментариев: 0