2022 жылы JAC көмегімен қайта іске қосылған «Москвич» зауытының конвейеріне жаңа машиналар тұрды. Екі кроссовер «М топтамасы» деп аталып, М70 және М90 индексімен жарық көреді. Компания донорды ресми атаған жоқ, бірақ бұл жолы «Москвич» SAIC концернімен серіктес болғанын білеміз.
«М топтамасының» базалық моделі MG HS кроссоверіне ұқсайды. М70-тің өлшемі белгісіз, ал түпнұсқа көліктің ұзындығы — 4.6 метр, дөңгелек базасы — 2.76 метр. Яғни ол «Москвич 3-тен» сәл үлкен. М70 1.5 литрлік (7 сатылы робот қорап) немесе 2 литрлік (9 сатылы автомат) мотормен жүреді. Машина тек алдыңғы жетекті.
«Москвич М90» жаңа флагманға айналады. Оның ұзындығы 5 метрге жуық, соның арқасында салонға үш қатар кресло орнатуға мүмкіндік бар. Бұл автомобиль үлкенірек қозғалтқышпен жүреді, оның моножетекті нұсқасы шықпайды. Roewe RX9 (кей нарықта MG RX9 деп аталады) 204 ат күшіне ие 2 литрлік агрегатпен жабдықталған, бірақ ресейлік нұсқаның қуаты аз болуы ықтимал. Бұл көлік салығын азайту үшін керек.
Машиналардың бағасы, қашан саудаға шығатыны қазірше белгісіз. Олар премиум сегментке жатады деген болжам бар. Осы мақсатта компания жаңа модельдерге арнап жеке сайт ашып, жеке логотип жасаған. Мұндай «Москвичтердің» өзіне тән, өзгеше платформасы болады, олар Ресей нарығына барынша бейімделіп, жаңа электрондық көмекшілер жүйесімен жабдықталады.
Комментариев: 0