20 қыркүйекте Алматыда «Борышкер» шұғыл-профилактикалық шарасы басталды. Шара аясында полицейлер айыппұл төлемеген тұрғындарды іздейді. Бұл ақпаратты мегаполистегі полиция департаментінің басшысы Қанат Таймерденов әлеуметтік желідегі парақшасында жариялады.
Мұндай тексерістер бізге таңсық емес, алайда шенді жазбасына айрықша фотосурет жүктепті. Одан қызметтік Hyundai Elantra-ның төбесіне орнатылған «Сергек» камерасын көруге болады. Мұндай құрылғы жергілікті тәртіп сақшыларында бұрын болмаған.
«Көркем Телеком» баспасөз қызметі хабарлағандай, құрылғы «Сергек-патруль» деп аталады және kin Patrol G2, «Кибер Шериф», «Дозор-М» сияқты кешендердің баламасы.
«Сергектің» мобильді нұсқасы пилоттық жоба. Қазір полицияда осындай жалғыз экипаж бар. Жүйе жасанды интеллект көмегімен қозғалыстағы көліктің нөмірін базадан тексеріп, жалған нөмірді анықтайды. Кешен автоматты түрде айыппұл сала алмайды, ол іспен көлікте отырған полиция қызметкері айналысады.
Компания өкілдері қазір автобус жолағына шыққандар мен рұқсат етілмеген орынға машина қойғандарды тіркеу мүмкіндігін енгізу жүріп жатқанын атап өтті.
Комментариев: 0