Mitsubishi Pajero қайта шығуы мүмкін

Mitsubishi Pajero өндірісін қайта бастауы мүмкін деп хабарлады BestCar. Инсайдерлер бренд бұл идеядан толық бас тартпағанын айтып жүр. Бірақ компания басшылары 12 жылдан кейін Жапонияға оралған жаңа L200-дің нарықтағы табысын байқап көрмек.

Басылым Mitsubishi L200/Triton шыққан соң бірер жылдан кейін жаңа буындағы Pajero Sport жарық көреді деп болжап отыр. Қазіргі Pajero Sport Оңтүстік-Шығыс Азияда өте жақсы өтіп жатыр, соған қарамастан ол 2025 жылы жаңарады. Mitsubishi жаңа Pajero-ны осы рамалы платформада жасауы мүмкін.

Инсайдерлер Жапонияда арзандау рамалы көліктерге сұраныс артып келе жатқанын айтып жүр. Мұны Toyota ерте байқап, Land Cruiser 70-ті қайта сата бастады. Бұған Mitsubishi де назар аударуы мүмкін.

Бірақ алдымен нарықты тексеріп алу қажет. Былтыр жыл аяғында компания араға 12 жыл салып, L200-ді ел нарығына қайта әкелді. Оның Triton деп аталатын нұсқасы 15 ақпанда Таиландта саудаға шығады. Жапонияда пикаптың қымбат комплектациясы ғана сатылады, екі қатарлы кабинасы бар мұндай машина Super-Select 4WD-II толық жетек жүйесі және 6 сатылы автоматпен жұмыс істейтін, 204 ат күшіне ие (470 Нм) 2.4 литрлік дизельді мотормен жүреді.

Бағасы — 4 980 800-5 401 000 иен (15.7–17 млн теңге), бұл Mitsubishi үшін едәуір жоғары баға. Марка Pajero-ны қайта жасау жөніндегі нақты шешімді паикаптың сатылым нәтижесіне қарап қабылдайды.

1 / 3

• 
• 
• 

1 / 3

Mitsubishi Токио автосалонында Triton-ның үш нұсқасын көрсетеді. Олар: стандарт пикап, зауыттық ралли-рейд нұсқасы және Snow Shredder концептісі. Соңғысы қуатты бампер, шноркель сияқты қосымша заттармен жабдықталып, жолсыз жермен жүруге бейімделген жалпыға арналған машина болады.