2006 жылдан бері шығарылып келе жатқан Mitsubishi Pajero-ның төртінші буынымен әлем елдері бір жылдан бері жаппай қоштасып жатыр. ЕЭО елдеріне соңғы машиналар 2019 жылы жеткізілді, ал Жапонияда модельдің соңғы нұсқасы сол жылдың көктемінде жарық көрген еді. Бірақ өндірісі тоқтамай, Аустралия және тағы бірнеше елге жеткізіліп келді.
Жапониялық Nikkei газеті берген мәліметке сүйенсек, машина өндірісі 2021 жылы толық тоқтап, Гифу префектурасындағы Pajero Manufacturing кәсіпорны жабылады.
Pajero-ның болашағы бұлыңғыр екенін айта кеткен жөн. Өткен желтоқсанда желіде модельдің бесінші буыны шығады деген сыбыс тараған, алайда Mitsubishi оның ресми ізбасары жайлы еш ақпарат бермеді.
Анықтама ретінде: Алғаш 1981 жылы таныстырылған Mitsubishi Pajero 1982 жылдан бері өндіріліп келеді. Осы жылдар аралығында 3.2 млн автокөлік шығарылып, темір тұлпар 12 рет «Дакар» жарысында топ жарды.
Комментариев: 0