08eebedccf1fe35de1131b4cef9e470c3717fab0-1193x671

Mitsubishi модельдері «ниссанға» айналады

«Үш гауһар» біртіндеп басқа платформаға ауысып жатыр.

Nikkei агенттігі таратқан ақпарат бойынша 2026 жылы Mitsubishi-дің жеке автоөндіруші ретіндегі мүмкіндігі тым төмендейді. Бес жылдан кейін түрлі класты машина шығаратын сегіз платформаның төртеуі ғана қалады. Олардың екеуі ЮВА елдерінде, тағы екеуі Nissan-мен бірге ішкі нарыққа арнап көлік құрастыратын болады.

Жыл санап Mitsubishi-дің шығыны артып жатқандықтан, 2016 жылы компания седаннан, ал өткен жазда кезінде аса танымал болған Pajero-дан бас тартуға мәжбүр болды. Енді бүкіл топтама Nissan және Renault модельдерімен сәйкестенеді.

Сонда Mitsubishi-ге тән не қалады? Дербес дизайн, интерьердегі ерекшеліктер мен толық жетек саласындағы көп жылғы жұмыс нәтижелері. Ал мотор, қорап, күрделі электроника мен бағдарламалық жасақтаманың көбі басқа көліктерден алынады.

Әлемдік автоөндірістің электрлі күштік құрылымға көшуі тәжірибелі мамандар қызмет ететін жапониялық компанияға бәрін қайта бастауға мүмкіндік беруі мүмкін. Алайда бұған өте көп қаражат керек.

Комментариев: 0

Чтобы оставить комментарий, вам необходимо зарегистрироваться или авторизоваться.