Пикаптар мен толыққанды жол талғамайтын көліктердің соғылған кездегі қауіпсіздік деңгейін тексеру аса жақсы нәтиже бермейтіндігіне көзіміз үйреніп қалған. Бұл жағдай Mitsubishi L200-ді де айналып өтпеді. Қауіпсіздік жастықтары жоқ (Оңтүстік Америкада мұндай да болады) ең қарапайым нұсқадағы машина мамандар тарапынан нөл деген бағаға лайық деп танылды.
64 км/сағ жылдамдықта алдыңғы жақтан келетін соққы түрінде өткізілген сынақ мұндай апаттан аман қалу мүмкіндігінің тым төмен болатынын көрсетті. Салонның керегесі мен едені қисайып кетті, ал жүргізуші манекені тірі қалуға еш мүмкіндік бермейтін бас, мойын және кеуде қуысы жарақаттарын тіркеді.
Latin NCAP инженерлері бүйірлік соққы сынағын жүргізуді қажет деп таппаған. Ондай апаттың салдары да көңіл көншітпесі анық.
Mitsubishi аталған краш сынағының нәтижесіне қатысты жауап берді. Олар 2020 жылдың көктемінен бастап Чилиде үлкен сұранысқа ие пикапты қауіпсіздік жастықтарымен және кергіші бар белдіктермен жабдықтауға уәде берді. Бұл тізімді ең кемі бүйірлік пердешелермен және тұрақтандыру жүйесімен толықтыру қажет. Тек сонда ғана көлік ең болмаса екі жұлдыз үшін таласа алады.
Комментариев: 0