Michelin Ресей нарығынан біржола кететінін кеше ғана хабарлаған еді, бүгін Nokian Tyres компаниясы дәл сондай мәлімдеме жасады. Шина өндіретін мекеме басшылары санкция салдарынан бұл елде жұмыс істеу мүмкін емес дейді.
Nokian-да әзірше бизнесті басқа қолға тапсыру жөнінде дайын жоспар жоқ екен. Оның үстіне бұл шешімнің салдары да компания үшін ауыр болатын сияқты. «Авторевю» былтыр Nokian маркалы шиналардың 80 %-ға жуығы Всеволожскідегі зауыттан шыққанын жазды. 2005 жылы іске қосылған Ленинград облысындағы зауыт әлемдегі ең ірі және заманауи кәсіпорындардың бірі саналады. Ол ішкі нарықты ғана емес, ТМД мен Еуропаның біраз елін шинамен қамтамасыз етіп отыр. Барлық өнімнің 20 %-ы Ресейде сатылады.
Жалпы Nokian Tyres-тың үш өндіріс орны бар. Олар Финляндия (Нокиа қ-сы), Ресей және АҚШ-та орналасқан. Ресейден кету туралы шешім компанияға 300 млн еуро көлемінде шығын келтіреді.
Комментариев: 0