Озан Кайикчи есімді интерьер дизайнері табиғат аясында саяхаттауға арналған шағын кемпер ойлап тапты. Екі адамға шақталған көліктің алдыңғы бөлігінде шатырша, ал артында аядай ғана асүй бар. Сонымен қатар шағын үстел мен екі орындық орнатыпты. Мұның бәрі жиналады.
1 / 4
Әзірше сызба күйіндегі шағын кемпердің болашағы бұлыңғыр сияқты. Себебі оны тек есігі алдында орналасқан екі көлікке орнатуға болады. Бірі баяғыда өндірістен алынған BMW Isetta болса, екіншісі — электрлі Microlino 2.0.
Microlino саяхатшылар үшін тиімді бола қоймас, өйткені оның жүріс қоры 200 шақырымнан аспайды. Оның үстіне кішкентай көлікпен аккумулятор тасу мүмкін емес, әрі айдалада рәзеткі табу да қиынға соғатыны анық.
Комментариев: 0