Депутаттар қылмысқа қатысты заңнаманы жақсартуды көздеп отыр. Заңға түзету енсе, сотталған азаматты шартты түрде мерзімінен бұрын босату туралы шешімді қазіргідей судья емес, алқабилер қатысатын сот қабылдауы мүмкін. Бұл жағдайда қазіргідей он емес, алты алқаби болады, оларға тағы бір судья қосылады. Олар бірнеше бойынша өтініш қарайды. Атап айтқанда:
- Қылмыстық кодекстің
345-бабы — көлік құралын пайдалану немесе жол жүру ережесін бұзып, абайсызда адам денсаулығына орташа немесе ауыр зиян келтiру не адам өлiмiне себеп болу (10 жылға дейін бас бостандығынан айыру); - Қылмыстық кодекстің
345-1-бабы — мұндай әрекетті мас күйде жасау (10 жылға дейін бас бостандығынан айыру және өмір бойы көлік жүргізу құқығынан айыру); - Қылмыстық кодекстің
346-бабы — жүргізуші куәлігінен айырылған адамның мас күйде көлік жүргізуі (10 жылға дейін түрмеге қамау және өмір бойы жүргізуші куәлігінен айыру).
Шартты түрде мерзімінен бұрын босатуға өтініш берген кісі бұрынғыдай төмендегі талаптарға сай келуге тиіс:
- залалды толық өтеу;
- жаза өтеу тәртібін қасақана бұзбау;
- жазаның белгілі бір бөлігін өтеу (мөлшері қылмыстың ауырлығына байланысты анықталады).
Шартты түрде мерзімінен бұрын босату туралы өтінішті неге алқабилер қарайды?
Қазіргі тәртіп бойынша жоғарыдағы үш шарт толық орындалса, судья сотталған азаматты шартты түрде мерзімінен бұрын босатуға міндетті. Олар мұндай шешімді көбіне жабық түрде қабылдап, қоғамға хабарламайды. Ал мұндай істі қарауға алқабилер қатысса, процедура біршама ашық болады. Оның үстіне сотталған тұрғынның түзелгеніне алқабилер толық көз жеткізуге тырысады.
Комментариев: 0