«Мерседес» роботакси қызметін атқаратын S-класты көрсетті

Mercedes-Benz Абу-Дабиде роботакси қызметін іске қосады. Бренд такси көлігі ретінде S-класс седанын таңдады. Momenta компаниясы 4-деңгейлі автономды басқару жүйесін әзірлейді. Сервисті ұсынған кезде Mercedes-Benz жаңа S-кластың алғашқы суреттерін көрсетті, бірақ фотодағы седан камуфляжбен қапталған.

Абу-Даби тұрғындары мен туристері өзі жүретін сәнді седанға қашан міне алатыны белгісіз. Пилотсыз автомобиль әлі сынақтан өтуге тиіс. Кейін Mercedes-Benz мұндай седандарды басқа қалаларға шығармақшы. Неміс концернінің автономды технология саласындағы серіктестерінің бірі — Nvidia.

Ресми суреттерден седанның шатырына лидар және алдыңғы қанаттарына қосымша камералар орнатқанын көруге болады. Саудаға шығатын S-кластың комплектациясында мұндай жабдықтар бола ма, беймәлім.

Автомобильдің алдыңғы бөлігі өзгеретін сияқты. S-класс басқа бампер, жақсарған жарық техникасын және жақында жарық көрген батареялы Mercedes-Benz GLC-дегідей радиатор торын алады. Дизайнерлер салонына ірі Superscreen дисплейін орнатуы мүмкін.