Жоспарға сай, компанияның қаражаты мен жұмыс күші біз білетін беріліс қорабын қажет етпейтін электромобильдер шығаруға жұмсалуы тиіс. Сол себепті іштен жанатын қозғалтқышы бар көліктер барынша оңтайландырылады. Платформа мен мотордың, трансмиссия нұсқаларының азаюы шығынды да кемітуге сеп болады.
Mercedes-Benz зерттеу және әзірлеу бөлімінің басшысы Маркус Шефер: «Біз базалық платформадан арылып, іштен жанатын қозғалтқыш санын азайтамыз және механикалық беріліс қорабынан бас тартамыз», — деп мәлімдеді.
Соңғы механикалық «мерседестің» конвейерден қашан шығатыны белгісіз, бірақ мұның алдағы 2-3 жылда іске асатыны анық. Қазіргі уақытта мұндай қораптар A-классты және қарапайым C-классты машиналарға қойылады.
Комментариев: 0