Mercedes-Benz SLR McLaren-ге негізделген жаңа суперкар

Словакиядағы Engler Automotive компаниясы ерекше жобаны таныстырды. Ол — Mosslr деп аталатын спидстер. Cуперкардың сыртқы дизайны да, атауы да аты аңызға айналған Mercedes-Benz SLR McLaren Stirling Moss моделіне сілтейді. Mosslr қуаты 750-1000 ат күшіне тең үш түрлі қозғалтқыш алады, бағасы шамамен 700 мың еуродан басталады.

Mercedes-Benz пен McLaren 2000 жылдардың аяғында SLR-дің толық ашық нұсқасын жасап, оны әйгілі шабандоз Стирлинг Моссқа арнаған. Ол неміс компаниясының тарихында елеулі рөл атқарды. 722 нөмірлі 300 SLR-мен Mille Miglia жарысында рекорд орнатқан. Осыған ұқсас спидстер SLR-ге негізделген және небәрі 75 данасы жарық көрді.

Mosslr (Мосс және SLR сөздерінен құралған) моделінің сырт пішінін Еуропада жұмыс істейтін Владимир Локтионов жасаған. Оның жобасын түпнұсқа SLR Stirling Moss-тың заманауи нұсқасы деуге болады, тек Формула-1 болидтеріне тән фирмалық «тұмсығы» жоқ. Шанақ сызығы түпнұсқа 300 SLR-ді еске салады, ал радиатор торының пішіні қазіргі Mercedes-AMG-дің жобаларына ұқсайды.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Mosslr көлемі мен өндірушісі белгісіз V8 және V12-мен жүреді. Біріншісі 750 не 1000 ат күшін береді, 850 ат күшіне ие V12 шектеулі Collectors Edition нұсқасына орнатылады. Спидстердің ең жоғарғы жылдамдығы — 322–350 км/сағ.

Engler 75 суперкар шығарады. Қазір сынақ прототипін әзірлеп жатыр, алғашқы нұсқасы алты айдан кейін жарық көреді. Компания айына 2–3 көлік шығармақшы. Тапсырыс қабылдау басталып кетті, өтінімді растау үшін 20 мың еуро (11.5 млн теңгеге жуық) депозит қажет. Mosslr автомобильді 710-790 мың еуроға (413.5 — 460 млн теңге) бағалап отыр.