Mercedes-Benz One-Eleven: көне мен жаңа тоғысы

Mercedes-Benz дизайн мен технологиядағы жетістігін көрсетудің жаңа әдісін тапты: ретро-футуристік One-Eleven прототипі компания 1970 жылдары құрастырған C111 топтамасын еске салады. Концепт ерекше дизайнымен ғана емес, заманауи электромоторымен мақтанады.

Жаңа шоукар мен 1970 жылдардағы C111 прототипінің дизайн стилі және түсі ұқсас, бірақ қазіргі нұсқа айтарлықтай заманауи көрінеді. Төрт метрлік One-Eleven-ге тарихи түпнұсқа машинадағы сияқты «құс қанатына» ұқсайтын кең есік орнатылған.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

One-Eleven-нің алдыңғы және артқы бөлігінде C111-дің радиатор торын еске салатын пиксельді панель бар. Ондағы диодтар статикалы суретті ғана емес, анимацияны бейнелей алады.

1 / 4

• 
• 
• 
• 

1 / 4

Интерьерде салонның екі шетіне созылып жатқан үлкен экрандағы пиксельді графика, шағын қосымша дисплей және штурвал бар. Тікелей еденге отыруға тура келетін орындығы да өзгеше.

Mercedes-Benz 1970 жылы C111-ді ерекше моторды сынақтан өткізу үшін пайдаланды, компания бірнеше концептіге Ванкель қозғалтқышын орнатқан, бірақ олар сериялы өндіріске шыққан жоқ. One-Eleven де экзотикалық агрегатпен жүреді. Мұндай электромотор құрылым ерекшегіне байланысты әдеттегі мотордан жеңіл, шағын әрі қуатты болады. Оны Mercedes-Benz-пен еншілес британиялық Yasa компаниясы 2021 жылдан бері шығарады. Сондай-ақ прототип жаңа батареямен жабдықталады.

Компания ешқандай техникалық сипаттамасын жариялаған жоқ. Бірақ сериялы өндіріске шықпаған C111-ден айырмашылығы Yasa электромоторы конвейерге тұрады. Болашақта батареялы Mercedes-AMG спорткарлары осындай мотормен жүреді.