Mercedes-Benz ерекше кросс-седан жасау идеясынан бас тартты

2018 жылы Mercedes-Benz сегмент үшін өте ерекше дизайндағы аса сәнді кроссовер жобасын жасады. Maybach Ultimate Luxury үш бөлімді шанағының арқасында седанға ұқсайды. Неміс басылымдары хабарлағандай, Mercedes-Benz модельдің сериялы нұсқасын шығаруды ойлаған, бірақ енді бұл идеядан бас тартты.

1 / 6

• 
• 
• 
• 
• 
• 

1 / 6

Ultimate Luxury жобасы премиум кроссовер мен сәнді седан жақсы өтетін Қытай нарығына арналған. Mercedes-Benz екі танымал шанақ түрін біріктіріп, Maybach суббрендімен шығаруды шешті, жаңа шанақ түрін SUS — Sport Utility Sedan деп атады. 5.2 метрлік концепт 750 ат күшіне ие төрт электромотор және жүріс қоры 500 км болатын батареямен жабдықталған.

1 / 6

• 
• 
• 
• 
• 
• 

1 / 6

Марка ерекше модель қалталы қытайларға ұнайды деп сенген. EQE/EQS топтамасының платформасына негізделген кросс-седан 2025 жылы саудаға шығады деген болжам да болды.

Бірақ Mercedes-Benz сериялы SUS өндіру тым қымбатқа түсетінін, оны сатып, шығынды өтеу мүмкін емес екенін түсінген. Оның үстіне компания Қытайдағы Mercedes-Benz топтамасы нарықтағы барлық сегментті қамтып отыр деп санайды. Сол үшін болашағы бұлыңғыр жобадан бас тартуды жөн көрді.