Бренд Ford, GM және Genesis сияқты автоөндірушілердің артынан топтамасына электрлі модельдерді көптеп қосу жоспарын түзетуге кірісті.
2021 жылы неміс маркасының өкілдері 2025 жылы сауданың жартысын гибрид пен электромобиль құрайды деген. Бірақ былтырғы қорытындыдан алдына тым биік мақсат қойғанын көруге болады. 12 айда компания 401 943 электрокар (жалпы көлемінен 19.7 %) сатты.
Инвесторларға арналған құжатта Mercedes-Benz нарықтағы жағдай мүмкіндік берсе 50 пайыз үлеске 2030 жылы жетуді жоспарлап отырғаны жазылған. Бренд дәстүрлі моторды 2030 жылдан кейін шығару ниетін де атап өтті.
Электромобильді танымал етуге қатысты қиындықтарға әлемдік автоөндірушілер ғана тап болып отырған жоқ. Проблема елдегі баға соғысынан зардап шегіп отырған бірнеше жаңа Қытай брендінде де бар. Мысалы HiPhi маркасы зауыт жұмысын кем дегенде алты айға тоқтатуға мәжбүр.
Комментариев: 0