Mercedes-Benz басшысы Еуропадағы Қытай брендтеріне қарсы емес

Компания басшысы Қытайдың электрокар өндірушілерін қорғады, себебі Еуроодақ олар бағаны әдейі түсіріп жатыр деп күдіктенеді. Ола Каллениус Financial Times басылымына берген сұхбатында бәсекеде артықшылықтан басқа ештеңе жоқ, ал нарық еркін болуы керек деді.

Mercedes-Benz басшысының айтуынша, Еуропада аспан асты елі брендтерінің болуы бәсекелестікті арттырады, бұл жергілікті өндірушілерді икемді болуға және технологиялық жағынан дамыған, қолжетімді және озық модельдер шығаруға итермелейді.

Еурокомиссия демпингке қарсы баж салығын енгізу мәселесін талқылап жатыр және оларды әділетсіз бәсекелестікке қатысы бар деп ойлайды. ЕО электромобиль бағасы Қытай билігінің тікелей және жанама субсидияларының арқасында ғана төмен дейді. Автомобилін арзан сата алмайтын Еуропадағы брендтер нарықта өз орнын жоғалтудың аз алдында. Тексеру жұмыстары күзде аяқталады.

Mercedes-Benz басшысының сөзінде бизнес-мүдде бар деп түсінуге болады. Қытай премиум бренд үшін маңызды нарықтардың бірі екені белгілі. Мұнда Mercedes модельдерінің шамамен үштен бірі сатылады. Сондай-ақ компанияның BYD-мен бірлескен кәсіпорны бар. Ола Каллениус Қытай да шетелдік өндірушілердің өнімдеріне баж салығын көтеруі мүмкін деген оймен салықты өсіруге қарсы тұрған сияқты. Бұған дейін BMW топ-менеджерлерінің ұстанымы да осындай болған.