Mercedes-AMG S63 E Performance: жылдамдық үшін төлеңіз

Жетінші буын Mercedes-Benz S-Class (W223) 2020 жылдың күзінде шыққанын естеріңізге саламыз. Арада екі жыл өткенде Mercedes-AMG GT негізінде жасалған 802 аттың күшіне ие седан жарық көрді. Толық жетекті 2.6 тонналық машина алғашқы жүздікті 3.3 секундта алады, ең жоғары жылдамдығы — сағатына 290 шақырым.

Қыста бағасы айтылмаған еді. Мамырда дилерлерге алғашқы легі жіберілетін болғандықтан, қаншаға сататыны белгіленді. Мercedes-AMG S63 E Performance кроссоверінің құны Еуропада 208 400 еуро болса, 282 арғымақтың күшіне ие ауыр отынмен жүретін S350 d ол жақта 127 мың еуро тұрады. Қазақстанда бағасы мүлде басқа екенін Kolesa.kz-тен көруге болады, салонда тұрған Mercedes-Benz S450 4MATIC моделін алам десеңіз, 108 млн теңге (221 мың еуро), ал S580 4MATIC таңдасаңыз, 132 млн теңге (270 мың еуро) санап бересіз.

1 / 5

• 
• 
• 
• 
• 

1 / 5

Автомобиль бағасы 208 400 еуродан басталатынын айта кеткен жөн. S-Class-та әдетте опциялар көп екенін ескерсек, төрт есікті көліктің бағасы әлдеқайда артатыны анық. Оған қоса компания жаңа S63 кілтін тезірек алғысы келгендерге саны шектеулі Edition 1 нұсқасын ұсынады. Бұл машина қосымша жабдықтарымен, елден ерек түсімен және қосымша ақпараттық тақтайшасымен ерекшеленеді. Ол қарапайым S63-тен әлдеқайда қымбат, бірақ Mercedes-Benz нақты бағасын жарияламады.