Германиялық Klassen компаниясының каталогында тағы бір түрленген Mercedes-AMG G 63 пайда болды. Мамандар машинаны 1016 мм-ге ұзартуды ұсынды, сонда жалпы ұзындығы 5776 мм-ге жетеді.
Klassen геликтің өлшемін өзгертумен қатар машинаны брондамақшы. G 63 B6 немесе B7 стандартына сай брондалуы мүмкін. Біріншісінде көлік АК-47 автоматынан атылған оққа, ал екіншісінде 7.62 × 51 мм НАТО патроны бар винтовканың оғына шыдас береді.
Көлік салоны тапсырыс берушінің талабына сай жасалады. Қандай материалмен қапталатынын ғана емес, жолаушы аймағы мен жүргізуші орнын бөлетін қалқаның түрін де таңдауға мүмкіндік бар. Арт жағына электрлі реттелетін бөлек орындық қойылады.
Klassen лимузині G 63 үшін 585 ат күші мен 850 Нм момент беретін 4 литрлік стандарт турбомотормен (V8) жабдықталады. Машинаның бағасы қанша болатыны белгісіз.
Комментариев: 0