BMW алғашқы брондалған электромобильді таныстырды

BMW 7-серияның G70 индексті брондалған жаңа нұсқасын көпке көрсетті. Бавариялықтар дәстүрлі қозғалтқышпен жүретін қарапайым көлікті де, электрлі i7-ні де жақсартқан. Соңғысы зауытта брондалған алғашқы электромобиль атанады.

BMW представила свой первый бронированный электромобиль

Электрлі i7 класы жоғары VR9 баллистикалық қорғанышына ие. Автомобиль жолаушыларды 7.62 X 54 R калибрлі оқтан, РГД-5 не HG 85 типті гранатадан, қолдан жасалған жарылғыш заттардан қорғауға тиіс. Темір тұлпар 80 км/сағ жылдамдыққа дейін толық қысымды жоғалтқанның өзінде тұтастығын сақтайтын Michelin PAX шиналарымен қапталған.

Қосымша жабдықтар тізімінде автоматты өрт сөндіру жүйесі, радиосканер және химиялық шабуыл кезінде машинаның автономды әрекет етуіне мүмкіндік беретін ауа толы баллондар бар.

1 / 5

BMW i7 Protection

1 / 5

i7 Protection-ның күштік құрылымы i7 M70-пен бірдей. Яғни машина 544 ат күші мен 745 Нм момент беретін қос электромотормен қозғалады. Алғашқы жүздікті 9 секундта алады, ал жоғары жылдамдығы — 160 км/сағ. Жүріс қоры — 338 шақырым. Бұл i7 M70 көрсеткішінен әлдеқайда төмен.

Марка i7 Protection-ның толық басқарылатын шассиін сақтап қалғанын және азаматтық сегментте қорғау функциясына ие өзге автомобиль жоқ екенін айтып мақтанып қалды.

BMW i7 Protection — Еуроодақ елдеріне арналған модель. Седанның бағасы әзірге белгісіз.

1 / 14