«Нюрбургринг» марафоны аясында Mercedes-AMG жаңа C63 седанының прототипін көрсетті. Ол қуатты V8-дің орнына 2 литрлік турбомотор негізгі болатын гибрид күштік құрылыммен жабдықталған.
Сериялы өндіріске дейінгі C63 679 ат күшіне (750 Нм) ие, бұл алдыңғы буындағы 510 ат күшін (700 Нм) беретін 4 литрлік V8-ден әлдеқайда қуатты, әрі басты бәсекелесі BMW M3 Competition-нен (510 күш, 650 Нм) де күшті.
Қуаттың көбін 48 вольттық стартёр-генераторы бар төрт цилиндрлі қозғалтқыш (M139) береді. Ол жеке өзі 477 ат күшіне ие. Қалған «арғымақты» машина артқы оське қойылатын электромотордан алады.
Жаңа C63 жеңілірек болады. Қанша салмақтан арылғанын компания жарияламады, бірақ мотордың өзі бұрынғысынан 48.5 келі жеңіл екенін айтты. Қазірше C63-тің жылдамдығы жайлы ақпарат жоқ. Mercedes-AMG толық мәліметті биыл жазда өтетін тұсаукесерге дейін құпия ұстауы мүмкін.
Комментариев: 0