Бүгін Өңірлік коммуникациялар қызметі өткізген брифингте Медеу ауданының әкімі Еркебұлан Оразалин «Медеу» маңындағы тұрақ мәселесін шешуге қатысты жоспарын жариялады.
«Көлік қоятын орындардың аздығы бұрыннан бар мәселе. Мұз айдынын қайта жөндегенде тұрақ кеңейеді. Сонымен қатар „Медеуге“ жетпей, төменгі жақтағы жолды жабуды талқылап жатырмыз», — деді Оразалин.
Әкім қазір 5 шақырым радиуста қосымша көлік торабын салу туралы жобаларды қарап жатырмыз деді, сол жерден халық «Медеуге» қоғамдық көлікпен барады. Болмаса, мамандар мұз айдынына апаратын жолдың оң жағындағы қараусыз қалған ғимараттың маңына қосымша тұрақ салады.
Аудан әкімі тұрақ орындары мен шектеуге қатысты нақты шешім жазға таман белгілі болады деді.
Комментариев: 0