«Медеуге» баратын жол түнде жабылады

Керей, Жәнібек хандар көшесінде 15 тамыз 23:00-ден 16 тамыз 07:00-ге дейін қозғалыс шектеледі. Әкімдік өкілдері «Ақбұлақ» бұлағынан 558/1 нөмірлі ғимаратқа дейінгі аралықта (1.2 км) көлік жүрмейді деп айтты.

Одан кейін бұл көшенің 6 шақырымы жөнделеді. Демек, жолдың басқа бөліктері де кезекпен жабылады. Қашан қай бөлік жөндеуден өтетінін Алматы билігі қосымша хабарлайды.

Тұрғындар бағытын алдын ала жоспарлағаны жөн.