Мәскеу тұрғындары «Москвич 8-ді» көрді

1 тамызда «Манеж станциясы. Мәскеулік транспорт 2030» көрмесінде «Москвич 8-дің» тұсаукесері өтті. Көрмеге барған жұрт бұрынғы қытайлық «москвичтің» ақ түсті жаңа флагманымен танысты.

Қайта жаңғырған марканың төртінші әрі ең үлкен моделі саналатын «Москвич 8» JAC Sehol X8 Plus екені белгілі, шанақ өлшемі — 4825×1870×1758 мм, дөңгелек базасы 2830 мм болатын модель топтамада отбасылық кроссовер ретінде орналасады. 174 ат күшіне ие, 7 сатылы роботпен жұмыс істейтін 1.5 литрлік бензинді GDI моторымен жүретін машина алдыңғы жетекті болады.

1 / 5

• 
• 
• 
• 
• 

1 / 5

7 орынды салоны екі түсті былғарымен қапталған, сондай-ақ смартфонды сымсыз қуаттағыш, айнала шолу камерасы және т.б жабдықтар бар. Аппарат бөлігі Apple CarPlay және Android Auto-мен жұмыс істейтін мультимедиа жүйесі және 12.3 дюймдік аспаптар панелін қамтиды.

Жыл аяғында саудаға шығатын «Москвич 8-дің» бағасы жеңілдік пен арнайы ұсынысты ескергенде 2.6–3.2 млн рубль (~14.4—17.7 млн теңге) болады. Автомобиль өз класындағы Geely Okavango немесе Chery Tiggo 8 Pro сияқты шетелдік бәсекелестерінен арзан тұрады.