Mansory электрлі «Гелендвагенді» жақсартты

Ателье жақсарған Mercedes-Benz G 580 with EQ Technology-дің суреттерін жариялады. Ол — қарапайым «Гелендвагеннің» батареялы баламасы. Mansory жол талғамайтын электрокармен алғаш рет айналысып отыр және бұл жолы тек арнайы бастырық орнатумен шектелді.

Mansory жанармаймен жүретін көлік үшін қолданып келген шешімді пайдаланған сияқты. Шанағындағы көк акценттер мен тежеуіш суппорттары оның электрлі екенін меңзейді.

1 / 7

• 
• 
• 
• 
• 
• 
• 

1 / 7

Тюнерлер жасаған батареялы гелик күндізгі жүріс шамы, сплитер қаптамасы бар ірі алдыңғы бампер, бүтін панельдің орнын басқан бірегей радиатор торы және бедерлі капотымен ерекшеленеді. Жинаққа ауа өткізгіші бар арка кеңейткіш, үлкен диффузор және ательеге тән шатырдағы антиқанат кіреді. Автомобильге 24 дюймдік дөңгелек дискілері орнатылған.

Жаңа шанақ бөлшектерінің кейбірі карбоннан жасалған. Mansory көліктің құны туралы ақпарат бермеді. Ательенің бензинді «гелендвагенді» белсенді түрде өзгертіп жүргенін ескерсек, бұл 588 ат күшіне ие электрогелик соңғы жоба емес екені анық.