Немістің Manhart ательесі BMW спорткарларын жақсартумен танымал, бірақ экзотикалық XM кроссоверін толық әрлеу жұмыстарын енді ғана қолға алды, ал жыл басында бастырығын таныстырған еді. Жаңа MHXM 900 жобасында кроссовердің сырт келбеті әрленіп қана қоймай, қуаты артты.
Стандарт BMW XM 4.4 литрлік V8 бен электромотордан тұратын гибрид күштік құрылыммен жабдықталған. Бұл құрылым 748 ат күшін және 1000 Нм момент береді. Manhart мамандары электромоторға тиіспей, бензинді қозғалтқышқа балама басқару блогын және арнайы газ шығару жүйесін орнатты. Нәтижесінде мотор 900 ат күшін және 1200 Нм момент берді.
Тюнерлер газ шығару жүйесінің екі нұсқасын ұсынады: Akrapovic және өздері жасаған реттейтін клапандары бар тот баспайтын болаттан жасалған жүйе. Мамандар жүріс бөлігіне H&R серіппелерін орнатқандықтан, клиренсі төмендеп, дизайнына сай 24 дюймдік Concave One дискілерін алды.
Manhart кроссоверге ірі алдыңғы сплиттер, жаңа капот және үлкен табалдырық қаптамасы кіретін көміртекті пластиктен жасалған бастырық орнатты. Артқы жағында екі спойлер және үлкен диффузор бар. Интерьерінде карбон ендірмелер кеңінен қолданылған.
Бұл тюнинг-кит АҚШ-та BMW XM-ге сұраныс күрт төмендеген жаңалықтар аясында шықты. Үшінші тоқсанда кроссоврдің бар болғаны 307 данасы сатылған, бұл былтырғы сәйкес кезеңмен салыстырғанда 30 % аз. Екінші тоқсанда да сұраныс төмендеп, 537 данасы саудаланды. Қазақстанда биыл сегіз айда 12 XM сатылды.
Комментариев: 0