Германияның Manhart ательесі BMW XM суперкроссоверіне арналған Project Thor деп аталатын бодикит ұсынды. Кроссовердер шанағының барлық аэродинамикалық элементі жаңарған.
Шеберлер BMW XM-нің алдыңғы бөлігін ерекше ауа тартқышы бар капот, балама радиатор торы, алдыңғы бампердегі қосымша элементтер және ірі сплиттермен өзгертуді ұсынып отыр.
Тюнерлер машинаның артқы жағын жаңа спойлер, жаңарған бампер және үлкен диффузормен әрлемек.
Бодикит дизайнының бірнеше нұсқасы бар. Әрлеудің әртүрлі карбон түрін немесе ашық сары түсті элементі бар фирмалық Manhart дизайнын таңдауға болады. Жобаға алдын ала тапсырыс беруге болады, бірақ оның бағасы қазірше белгісіз.
Ателье Project Thor аясында BMW XM экстерьеріне басқа да өзгеріс енгізетінін хабарлады, бірақ машинаның күштік құрылымы өзгере ме, бегісіз. Стандарт кроссовер 748 ат күшіне ие 4.4 литрлік V8 негізіндегі гибрид құрылыммен жүреді. Manhart мамандарына бұл мотор жақсы таныс. Мысалы, бұған дейін тюнерлер қуаты 730 ат күшіне жеткен BMW X5 M-ді көрсеткен. Демек болашақта ең қуатты BMW M моделі тюнерлердің арқасында қазіргіден де жылдам жүруі мүмкін.
Комментариев: 0