Manhart тюнинг-ательесі Таяу Шығыс нарығына аяқ басты, жұрт назарын аудару үшін осы өңірде танымал Nissan Patrol Nismo негізінде жоба жасады.
Түрленген жол талғамайтын көлік Manhart PT 650 деп аталады, мұндағы сан 5.6 литрлік V8-дің қуатын көрсетеді. Атмосфералық агрегат суперчарджер және спорттық катализаторы бар жаңа газ шығару жүйесі секілді қажетті құралдармен жабдықталды, соның арқасында ол 650 ат күші мен 600 Нм береді. Ал сегіз цилиндрлі стандарт мотордың қуаты — 434 күш пен 560 Нм. Техникалық тұрғыда басқа жақсарту жоқ.
Тюнерлер агрессивті зауыттық Nismo бастырығын өзгерткен жоқ, тек кейбір элементке алтын түс қосып, төмен профильді шинамен қапталған 24 дюймдік дөңгелек дискісін орнатты. Салонда орындықтар былғары және алькантарамен қапталды, ал кейбір пластик панельді карбонға ауыстырған.
Комментариев: 0