Қазақстан полициясының автопаркі алуан түрлі екенін білеміз. Онда көз үйренген седаннан бөлек кроссовер мен жол талғамайтын көліктер де бар. Алайда арнайы түске боялған және дабыл белгісі бар Toyota Land Cruiser 200 бұрын көзге түспеген.
Бұл автокөлік Маңғыстау өңірінде жүр. Lada.kz порталына жарияланған суреттер Бозжыра шатқалына жақын маңда түсірілген. Жергілікті полиция департаменті автокөлік 6-7 қараша күндері қоғамдық тәртіпті сақтау және жету қиын жерлердегі жол қауіпсіздігін қамтамасыз ету бойынша өткен шарада қолданылғанын хабарлады.
Toyota Land Cruiser 200-дің арзан көлік еместігін айта кеткен жөн. Оның бағасы 28 млн теңгеден басталады, ал полицейлер қымбат нұсқасын таңдаған сыңайлы. 20 дюймдік дөңгелегінен оның 37 млн теңге тұратын үздік жиынтықтағы көліктердің бірі екенін білуге болады.
Комментариев: 0