Бозшакөл бекеті маңындағы Астана — Павлодар тас жолында жарық бағанасы құлап, қозғалыс шектелген. Мамандар электр қуатын уақытша өшіріпті. Жол жөндеушілер жедел әрекет етіп, трассаны тазалап, дауылдың салдарын жойды.
Оқиға орнынан жеткен бейнематериалдан тас жолдың жолайрықпен түйіскен тұсында
Желі қолданушылары кеңес заманында орнатқан ағаш бағаналар неше он жыл тұрса да құламайтынын, ал заманауи темір бағаналар жарты жылда жарамсыз болып қалғанын айтып, пікір жазып жатыр.
Екінші видеоны Lada.kz порталы жариялады. Жергілікті тұрғындар журналистерге «Өзенмұнайгаз» бөлімшесі саналатын № 1 мұнай-газ өндіру басқармасына баратын жолды түсіріп жіберіпті.
Роликтен жолдың астына геотор салып, асфальтты топыраққа төсегенін көреміз. Жол жабыны кілем сияқты жеңіл болғандықтан, оны көтеріп алып кетуге болады. «Маңғыстауша жаңа технология», «Жаңа Қазақстан, алға!», — деген пікірлер қаптап тұр.
«Өзенмұнайгаз» бұл жағдайға түсініктеме берді.
Akzhol-story industry ЖШС Жетібай — Қарамандыбас — Жаңаөзен тас жолының 3.9 шақырымына жөндеу жұмысын жасады. Жұмысты орындап болып, жол сапасын тексергенде 31 мамырда асфальттың жоғарғы бөлігінде жарықшақ пайда болғаны анықталды. Мердігер компанияға кемістікті жою туралы хат жолданды. Одан кейін Жол активтері сапасының ұлттық орталығына да хат жазыпты. Сараптама нәтижесіне сәйкес кемшілікті жоюға кететін шығынды мердігер мекеме өз мойнына алды деді мұнайшылар.
Биыл наурызда Орталық коммуникациялар қызметінде өткен брифингте журналистер ҚР ИИДМ автомобиль жолдары комитеті төрағасының орынбасары Амангелді Бековке әлемдік экономикалық форум бағалауы бойынша Қазақстан жолдарының сапасы не себепті Африкадағы жолдардан нашар деген сұрақ қойды. Бұған шенді рейтинг қате деп қысқа қайырып еді.
"Барлық елді мекен тұрғындарынан жауап алынып, автожол сапасы анықталады. Егер біреу белгілі бір көшенің сапасына көңілі толмаса, жалпы көшенің жағдайы мәз емес дегенді білдіреді. Сұрақ-жауап тәсілі шындыққа жанаспауы мүмкін. Біз Кения мен мүлде жол салынбаған елдердің соңында болуымыз мүмкін емес — деді А. Беков.
Кенияда құлайтын бағана да жоқ шығар. Геотор туралы Африкада ешкім естімеген де болуы мүмкін.
Комментариев: 0