Мамыр айында көлік нарығы белсенділік танытты. Қазақстандықтар жаңа автокөліктер, жүк көліктері мен автобус сатып алуға 58.5 млрд теңге (154.04 млн АҚШ доллары) жұмсаған. Қазақстандық автобизнес ассоциациясы (ҚАБА) берген деректерге сүйенсек, есептік айда 5 834 жеңіл көлік және 331 жүк көлігі мен автобус сатылыпты. Биылғы бес айдағы көрсеткіш — 25 699 машина, өткен жылдың дәл осындай кезеңімен (21 648) салыстырғанда бұл 19 %-ға жоғары.
Үздіктердің көшін Toyota (алдыңғы айдағы нәтижеге +7.4 %) мен Hyundai (+8.9 %) бастап тұр. Lada-ға деген сұраныс 4 %-ға азайғандықтан үздік ондықта өзгерістер болды. Мамырда Toyota-ның 1 298 данасы өз иесін тапқан. Ресейлік Lada 1 270 көлік, ал Hyundai сатушылары 1 197 дана көлік сатты. Өткен аймен салыстырғанда 350 темір тұлпарға кем сатқан Kia-ның көрсеткіші біршама құлдырады (—19 %). Volkswagen бесінші орынға көтерілді (205 дана; +83 %), алтыншы орын Renault-ның — (202 дана; 64.2 %), жетінші орын Nissan-ның (169 дана.; +21.6 %) еншісінде. Үздік ондықты Chevrolet (111 дана.; +68.2 %), Skoda (109; —2.7 %) және Lexus (102; —35.4 %) түйіндеп тұр.
Көлік үлгілерінің үздік ондығы (мамыр 2019 ж.)
Комментариев: 0