Мамырдағы автонарық: Chevrolet Cobalt қайта көш бастады

2024 жылғы мамырда Қазақстанда 12 032 жаңа жеңіл автомобиль мен жеңіл коммерциялық техника және 781 жүк көлігі мен автобус өтті.

Қазақстан автомобиль одағы бұл сәуірдегі және былтыр мамырдағы нәтижеден нашар екенін есептеді. Көрсеткіш 2023 жылғы сәйкес кезеңмен салыстырғанда 13.2 % төмен. Ал бес айдағы нәтиже былтырғыдан 0.1 % төмен. Қаңтар мен мамыр арасында ресми дилерлер 66 457 машина сатты.

Қазақстан автомобиль одағы 2024 жылы шамамен 165 мың автомобиль өтеді деп болжап отыр, бұл былтырғы көрсеткіштен едәуір төмен, 2023 жылы дилерлер 200 мыңға жуық машина сатып, рекорд жаңартқан.

Мамырдағы үздік маркалар тізімінде Hyundai көшбасшы орнын сақтап қалды, брендтің 2424 машинасы өтті. Бұл былтыр мамырдағы көрсеткіштен 44 % аз. Екінші орында Kia (1903 дана), үшінші сатыда Chevrolet (1345) тұр. Биыл алғаш рет JAC үздік төрттікке енді (1028; + 397 %). Өткен айдағы топ-10 тізімге енген Қытай маркаларының саудасы жақсара түсті. Haval ғана 5.4 % нашар нәтиже көрсетті.

2024 жылғы мамыр қорытындысы бойынша жаңа автомобильдер нарығындағы үздік 10 марка

Танымал модельдер тізімінде көшбасшы ауысты. Chevrolet Cobalt ұзақ үзілістен кейін бірінші орынға қайта оралды. Седанның мамырда 1165 данасы өтті. Екінші және үшінші орынға Hyundai Tucson (1138) мен Kia Sportage (900) жайғасқан. Үздік бестікке JAC J7 (514) мен Haval M6 (438) енді. Changan Alsvin седаны алғаш рет үздіктер қатарынан бой көрсетті, оның 311 данасы иесін тапты.

1 / 10

• 
• 
• 
• 
• 
• 
• 
• 
• 
• 

1 / 10

Биылғы бес айдың қорытындысы бойынша ең көп өткен маркалар тізімінде Hyundai (14 760 дана) бірінші орында тұр, екінші сатыға Kia (8 541) жайғасқан, ал үздік үштікті Chevrolet (6 159) түйіндеді.

2024 жылғы бес ай қорытындысы бойынша жаңа автомобильдер нарығындағы үздік 10 марка